Հարգելի գործընկերներ` ուրախ ենք տեղեկացնել ձեզ, որ «Արմենիա» ավիաընկերությունը պայմանագիր է ստորագրել հանրահայտ «Accel Aero» արաբական ընկերության հետ, որի Aero Mart տոմսերի ամրագրման ծրագիրը արդեն իսկ ներդրվել է մեր ավիաընկերության համակարգում: Նախքան ծրագրի ներդնումը «Արմենիա» ավիաընկերության տնօրինության հրավերով Հայաստան էին ժամանել «Accel Aero» ընկերության ներկայացուցիչները: Նրանք եռօրյա դասընթացների ընթացքում ավիաընկերության համապատասխան բաժնի աշխատակիցներին ծանոթացրել են ծրագրին, որպեսզի ծրագրի ներդրումը ավելի սահուն ընթանա: Տեղեկացնենք, որ «Accel Aero» ընկերության գործընկերների շարքում է նաև խոշոր «Air Arabia» ավիաընկերությունը: