«Արմենիա» ՝ Քյոլնն ու Լիոնը ուղիղ և մատչելի

Ապրիլի 19-ից ավիաընկերությունը շաբաթական երկու անգամ՝ երկուշաբթի և հինգշաբթի,  ուղիղ չվերթներ կիրականացնի Լիոն: Այսպիսով, “Արմենիան” հնարավորություն  է տալիս կարճ  թռիչքից հետո ընկղմվել ֆրանսիական մշակույթի մեջ,  բացահայտել  ճարտարապետության բացառիկ նմուշներն և խոհարարական գլուխգործոցները:

Իսկ ապրիլի 24-ից ՝ երեքշաբթի և ուրբաթ օրերին, ավիաընկերության օդանավերը կթռչեն գերմանական Քյոլն:  Յուրահատուկ շոկոլադով և օծանելիքով հայտնի այս քաղաքը կարող  է նաև  զարմացնել  գոթական և ռոմանական ոճով կառուցված  տաճարներով և ժամանցի ժամանակակից վայրերով:

Ավիատոմսերն  արդեն իսկ հասանելի են ավիաընկերության պաշտոնական www.armeniafly.com կայքում.  Դեպի Քյոլն մեկ ուղությամբ տոմսը կարելի է ձեռք բերել 179 եվրոյից սկսած, իսկ Լիոն սկսած  171 եվրոյից:

Նշենք, որ «Արմենիա» ավիաընկերությունը 2017թ վճարել է 390 միլիոն դրամ հարկ և զբաղեցրել 305-րդ տեղը 1000 խոշոր հարկատուների ցուցակում:  Ավիաընկերությունը տեղափոխել է շուրջ 75 հազար ուղևոր, իրականացնելով  460 թռիչք: Վերապատրաստել է Boeing 737 օդանավի երկու հրամանատար և վեց երկրորդ օդաչու: